मुंबई शहर, उपनगरात संततधार : आज मुसळधार तर उद्या अतिमुसळधार पावसाचा अंदाज

मुंबई: मागील दोन दिवसापासून मुंबईत पावसाची रिपरिप सुरु आहे. हवामान विभागाने दिलेल्या अंदाजानुसार शनिवारी पहाटेपासून शहर आणि उपनगरात मुसळधार पावसाला सुरुवात झाली यामुळे सखल भागात पाणी साचले होते त्यामुळे काही भागातील वाहतूक अन्य मार्गाने वळवावी लागली होती. दरम्यान रविवारी मुसळधार पावसाचा तर सोमवारी अतिमुसळधार पावसाचा अंदाज हवामान विभागाने व्यक्त केला आहे.