टेम्पो आणि कारच्या धडकेत चार महिला जागीच ठार,तीन जण जखमी..!

टेम्पो आणि कारच्या धडकेत चार महिला जागीच ठार,तीन जण जखमी..

उदगीर-नांदेड महामार्गावरील एकुर्गा जवळील घटना.

सुनिल जाधव/लातुर जिल्हा प्रतिनिधी

उदगीर नांदेड महामार्गावरील एकुर्गा या गावाजवळ आज दि.०७ नोव्हेंबर रोजी ठीक दुपारी ०२:३० वाजण्याच्या सुमारास ऐशर टेम्पो एम एच-२४ ए यु.४७५६आणि कार क्रमांक एम एच-०२ बीएम.४४८२ यांच्यामध्ये समोरासमोर भीषण अपघात झाला या अपघातामध्ये चार महिला या जागीच ठार झाले आहेत व तीन जण गंभीर आहेत मृत्यूमध्ये मंगळबाई गोविंद जाधव वय वर्षे ५५ रा.एकुर्गा,प्रतिभा संजय भंडे वय वर्षे ३० रा.दावनगाव,प्रणिता पांडुरंग बिरादार वय वर्षे २५ रा.होनाळी,अनन्या रणजीत भंडे वय वर्षे १४ रा.दावणगाव यांचा जागीच मृत्यू झाला आहे.तरी तीन जण जखमी झाले आहेत जखमीवर सामान्य रुग्णालय उदगीर येथे उपचार सुरु आहेत या अपघाताची माहिती मिळताच वाढवणा पोलीस स्टेशनचे सहाय्यक पोलीस निरीक्षक भिमराव गायकवाड यांनी घटनास्थळी पंचनामा केला आणि पोलीस कर्मचारी यांच्या मदतीने मृतांना शवविच्छेदनासाठी सामान्य रुग्णालय उदगीर येथे पाठविण्यात आले आहे तरी या घटनेचे पुढील तपास सहाय्यक पोलीस निरीक्षक गायकवाड हे करीत आहेत.

अपघातामध्ये मृत्यू झालेल्या महिला भगिनींना महाराष्ट्र मिडिया टीव्ही चॅनल्सच्या वतीने भावपूर्ण श्रद्धांजली 💐🙏.