महाराष्ट्र म्हणजे गौरवशाली इतिहास, सशक्त वर्तमान आणि समृद्ध भविष्याचे स्वप्न : पंतप्रधान मोदीजी

मुंबईतील नेस्को सेंटरमध्ये आज पंतप्रधान नरेंद्र मोदी  यांच्या हस्ते एकूण 29,४०० कोटीहून अधिक किंमतींच्या विविध विकास प्रकल्पांचे लोकार्पण आणि भूमिपूजन करण्यात आले.  महाराष्ट्राचे राज्यपाल रमेश बैस, मुख्यमंत्री एकनाथ शिंदे, उपमुख्यमंत्री देवेंद्र फडणीस, अजित पवार यावेळी उपस्थित होते. या कार्यक्रमात पंतप्रधान नरेंद्र मोदी यांनी महाराष्ट्राचे खूप कौतुक केले. महाराष्ट्र हे असे राज्य आहे ज्याचा विकसित भारत घडवण्यास मोठा वाटा आहे.  महाराष्ट्रला गौरवशाली इतिहास आहे, महाराष्ट्राचा सशक्त वर्तमान आहे, महाराष्ट्राला समृद्ध भविष्याचे स्वप्न  आहे,  महाराष्ट्राची विकसित भारत घडवण्यास मोठी भूमिका आहे.