लक्ष्मण गूराळे मित्र मंडळाच्या वतीने गुणवंतांचा सत्कार..

लक्ष्मण गूराळे मित्र मंडळाच्या वतीने गुणवंतांचा सत्कार..

शिरूर अनंतपाळ प्रतिनिधी:
नितेश झांबरे

उदगीर तालुक्यातील हेर येथील हनुमान मंदिरात, लक्ष्मण गूराळे मित्र मंडळाच्या वतीने विविध क्षेत्रात निवड झालेल्या गुणवंतांचा भव्य दिव्य सत्कार सोहळा मोठ्या उत्साहात संपन्न झाला. या वेळी संबधित सत्कारमूर्तीच्या आई-वडिलांचा पण सत्कार करण्यात आला. कार्यक्रमाच्या अध्यक्षस्थानी उपसभापती सोपानराव ढगे होते.या सत्कार सोहळ्यात एम.बी.बी.एस पूर्ण केलेल्या पाच विद्यार्थ्यांचा सन्मान करण्यात आला. यामध्ये डॉ. धीरज नारायण सुवर्णकार, डॉ. भाग्यश्री दत्तात्रय गुरमे, डॉ. प्रशांत विजय आग्रे, डॉ. पुंडलिक सुधाकर घुगे डॉ. कृष्णा शेषराव मरलापल्ले तसेच, एक विद्यार्थी एम.बी.बी.एस पूर्ण करून
एम.डी .झाल्याबद्दल डॉ. प्रसाद गुंडेराव जोशी यांना
सन्मान करण्यात आला. यावेळी हेर येथील विठ्ठल सुधाकर गुरूडे याची पीएसआय म्हणून निवड झाल्यामुळे त्याचाही विशेष सत्कार करण्यात आला. याचसोबत मैथिली माणिक मगर या विद्यार्थिनीची पोलीस दलात नियुक्ती झाल्याने तिचाही सन्मान करण्यात आला.विविध क्षेत्रात हेर च्या सुपुत्राने उल्लेखनीय कामगिरी केली आहे. वेदांत सुरेश स्वामी व रजनीश रविकिरण रासुरे यांनी आयआयटीमध्ये प्रवेश मिळवून आपल्या कुटुंबाचा आणि गावाचा गौरव वाढवला आहे. त्यांचाही सत्कार या कार्यक्रमात करण्यात आला.या सत्कार सोहळ्याच्या निमित्ताने विद्यार्थ्यांना त्यांच्या कठोर मेहनतीची पोचपावती देण्यात आली. ग्रामस्थांनी विद्यार्थ्यांच्या यशस्वी भविष्यासाठी शुभेच्छा दिल्या आणि त्यांना अधिक उच्च शिखरे गाठण्याचे प्रोत्साहन दिले. या कार्यक्रमात गावातील मान्यवर, विद्यार्थी आणि पालक मोठ्या संख्येने उपस्थित होते.कार्यक्रमाचे सूत्रसंचालन व आभार प्रदर्शन विलास कांबळे यांनी केले, तर प्रास्ताविक शंकर गुरूडे यांनी केले. या कार्यक्रमाचे आयोजक लक्ष्मण गुऱ्हाळे आणि मित्र मंडळ होते.या कार्यक्रमाच्या यशस्वीतेसाठी संतोष गुरुमे,नारायण गायकवाड,यांचे सहकार्य लाभले.